Заправіць аўтамабіль без аператара

З першага чэрвеня гэтага года ў Маларыце прымае кліентаў яшчэ адна аўтазаправачная станцыя №8 РУП «Беларуснафта-Брэстаблнафтапрадукт»: безаператарная аўтаматычная. Цяпер яна працуе ў кругласутачным рэжыме.
— Тут адначасова можа самаабслугоўвацца 2 адзінкі аўтатранспарту, — расказвае Сяргей Пракапук, майстар прадпрыемства. — У бак можна заліць АІ-92, АІ-95, дызельнае паліва «звычайнае» і дызельнае паліва маркі «Еўра». Аплаціць можна праз аўтаномны плацёжны тэрмінал па банкаўскіх картках Visa, MasterCаrd і інш., якія выдадзены ў любым банку любой краіны, і паліўных картках (чыпах).
— Сяргей Сцяпанавіч, хто ў вас запраўляецца?
— Акрамя беларусаў, ёсць прадстаўнікі з Украіны, Расіі, Польшчы. Сярод кліентаў з Маларытчыны па колькасці заправак пераважаюць аўта­ўладальнікі, а па літражу – арганізацыі, прадпрыемствы, установы.
— А якая паслядоўнасць дзеяння, каб заправіцца самастойна, напрыклад, па картцы?
— Спачатку ўстаўляем пісталет у паліўны бак, затым банкаўскую картку – у плацёжны тэрмінал і па запыту яго забіраем картку; далей неабходна ўвесці нумар калонкі і націснуць “увесці”; для пацвярджэння нумара калонкі ці віду паліва націскаем “увесці”; потым трэба ўвесці аб’ём запраўкі ці суму, на якую хочам заправіцца, націскаем “ўвесці”; затым зноў на­ціскаем “увесці” для па­цвярджэння аб’ёму ці сумы; па запыту тэрмінала ўводзім пін-код; забіраем чэк для аплаты паліва; запраўляемся, вяртаем пісталет на месца. Для таго, каб надрукаваць чэк, націскаем “увесці” на экране чакання карты, уводзім нумар аперацыі, якая пазначана на чэку аплаты паліва, і націскаем “увесці”.
Між іншым, на аўтаматыч­най аўтазаправачнай стан­цыі ўстаноўлена сістэма відэаназірання, якая пастаянна сочыць за сітуацыяй на тэрыторыі. Акрамя гэтага, тут прадугледжана месца для збору цвёрдых бытавых адходаў, тэхнічны будынак ААЗС, біятуалет.
Мікалай НАВУМЧЫК.
На здымку: Сяргей Пракапук, майстар.
Фота аўтара.

Опубликовано в «ГЧ» 12.07.2014 г.

Добавить комментарий


リンク

http://ukrterminal.kiev.ua

https://sweet-smoke.com.ua
error: Незаконное копирование материалов сайта запрещено!